RFA News

Saturday, November 2, 2013 အပစ်ခတ်ရပ်စဲရေးမူ ၉ ချက်ကို တိုင်းရင်းသားလက်နက်အဖွဲ့ ၁၇ ဖွဲ့ သဘောတူ ကေအိုင်အေဌာနချုပ် လိုင်ဇာမှာ ကျင်းပနေတဲ့ တိုင်းရင်းသား လက်နက်ကိုင် အဖွဲ့စည်းတွေရဲ့ ညီလာခံ မှာ တက်ရောက်နေတဲ့ တိုင်းရင်းသား လက်နက်ကိုင် အဖွဲ့ ၁၇ဖွဲ့က နိုင်ငံလုံးဆိုင်ရာ အပစ်ခတ် ရပ်စဲမှုဆိုင်ရာ ဘုံသဘောတူညီချက် ၉ ချက်ကို ဒီနေ့ လက်မှတ်ရေးထိုးခဲ့တယ်လို့ လိုက်ကြပါတယ်။ ဒါပေမယ့် ရှမ်းပြည်ပြန်လည် ထူထောင်ရေး ကောင်စီ RCSS/SSA တောင်ပိုင်းတပ်ဖွဲ့ကတော့ လက်မှတ်ရေးထိုးခဲ့ခြင်း မရှိဘူးလို့ အာစီအက်စ်အက်စ် ကိုယ်စားလှယ် အဖွဲ့ခေါင်းဆောင် ဗိုလ်မှူးကြီး စိုင်းလှက RFA ကို ပြောပါတယ်။ သဘောတူညီချက်ထဲမှာ တစ်ဖွဲ့ချင်းစီက ကိုယ်စားလှယ်တစ်ဦးစီပါဝင်တဲ့ နုိုင်ငံရေး ဦးဆောင်ကော်မတီ တရပ်ဖွဲ့ဖို့ လည်း ပါဝင်ပါတယ်လို့ သိရပါတယ်။ တက်ရောက်တဲ့ ကိုယ်စားလှယ်တွေရဲ့ အဆိုအရ နိုင်ငံရေးဆွေးနွေးပွဲပြီးမှ အပစ်ခတ်ရပ်စဲရေးကို လုပ်ဆောင်မယ်လို့ သဘောထားပါရှိကြောင်း သိရပါတယ်။ ဒါပေမယ့် သဘောတူညီချက် ၉ ချက်မှာ တိတိကျကျ ဘယ်အချက်တွေ ပါတယ်ဆို တာကို အခုထိ တိုင်းရင်းသားအဖွဲ့တွေက တရားဝင် ထုတ်ပြန်ပြောဆိုတာမရှိသလို နိုင်ငံရေး ဦးဆောင် ကော်မတီမှာ ဘယ်သူတွေပါဝင်မယ်ဆိုတာလည်း အခုထိ အသေးစိတ် ထုတ်ပြန် ပြောကြားခြင်းမရှိသေးပါဘူး။ အဲဒီကော်မတီဟာ အစိုးရ ပြည်ထောင်စုအဆင့် ငြိမ်းချမ်းရေး ဖေါ်ဆောင်ရေး လုပ်ငန်းကော်မတီ နဲ့ ဆွေးနွေးတဲ့အခါ အားလုံးကို ကိုယ်စားပြု ဆွေးနွေးရမယ့် ကော်မတီ ဖြစ်တယ်လို့ သိရပါတယ်။ ဒါပေမယ့် ဒီညီလာခံအပြီး နောက်ဆက်တွဲအနေနဲ့ အစိုးရငြိမ်းချမ်းရေး ကိုယ်စားလှယ်အဖွဲ့ နဲ့တိုင်းရင်း သား ခေါင်းဆောင်တွေဟာ လာမယ့် နိုဝင်ဘာလ ၄ ရက်နေ့ကနေ ၆ ရက်နေ့အထိ ကချင်ပြည်နယ် မြစ်ကြီးနားမြို့မှာ တွေ့ဆုံဆွေးနွေးမယ်လို့သိရပါတယ်။ RFA Burmese

SI Saw Kapi Interview

မြန်မာပြည်အတွက် ကန်တက္ကသိုလ် အလုပ်စွန့်သူ နောက်ဆုံးရေးသားချိန် 23 October 2013, 6:21 AEST သောတရှင်များရှင် ​မြန်မာနိုင်ငံမှာ ​ပြုပြင်ပြောင်းလဲမှု ​စတင်လုပ်ဆောင်လာကတည်းက ​အကြောင်းအမျိုးမျိုးကြောင့် ​မြန်မာ ​နိုင်ငံကို ​ထွက်ခွာခဲ့ပြီး ​ပြည်ပမှာ ​ရောက်ရှိနေထိုင်တဲ့ ​မြန်မာနိုင်ငံသားတွေအနေနဲ့ ​မြန်မာနိုင်ငံကို ​ပြန်လာပြီး ​မိမိတို့ ​တတ်တဲ့ ​ပညာတွေကို ​ပြန်လည် ​ဖြန့်ဝေတာတွေ ​နိုင်ငံအတွက် ​အကျိုးပြုတာတွေ ​တဖြည်းဖြည်းများလာနေတာကို ​တွေ့ရပါတယ်။ Saw Kapi - စောကပီ The Salween Institute for Public Policy အဖွဲ့က ဒါရိုက်တာ ဆရာစောကပီ (Credit: ABC) အသံ နားဆင်ရန် အဲဒီလို ​ကိုယ်တတ်တဲ့ပညာနဲ့ ​ကိုယ့်တိုင်းပြည်နဲ့ ​ကိုယ့် ​လူမျိုးတွေအတွက် ​ပြန်လည် ​အသုံးပြုတဲ့ ​အခါမှာလည်း ​အခက်အခဲအမျိုးမျိုးတွေနဲ့ ​ရင်ရတာရှိသလို ​စိန်ခေါ်မှုတွေလည်း ​ရင်ဆိုင်ရပါတယ်။ အခုတင်ပြပေးမယ့် ​မေးမြန်းခန်းကတော့ ​မြန်မာပြည်မှာ ​မွေးပွားခဲ့ပြီး ​နိုင်ငံရေးမှာ ​ပါဝင်လှုပ်ရှားခဲ့တဲ့အတွက် ​ပြည်ပကိုထွက်ခွာခဲ့ရပြီးတော့ ​အခု ​မိမိတတ်တဲ့ ​ပညာနဲ့ ​ပြည်တွင်းမှာ ​ကိုယ်ထူကိုယ်ထပြန်ပြီး ​ပညာဖြန့်ဝေနေတဲ့ ​ကရင် ​တိုင်းရင်းသား ​တစ်ယောက်အကြောင်းနဲ့ ​သူ့ရဲ့လုပ်ငန်းကို ​တင်ပြပေးမှာဖြစ်ပါတယ်။ သူကတော့ ​အမေရိကန်ပြည်ထောင်စုမှာ ​သွားရောက်နေထိုင်ခဲ့ပြီးတော့ ​ကယ်လီဖိုးနီးယား ​ပြည်နယ်တက္ကသိုလ်က ​တက္ကသိုလ်ဝင်ခွင့်ရေးရာနဲ့ ​မော်ဂွန်းထိန်းဌာနမှာ ​တာဝန်ထမ်းဆောင်ခဲ့သူဖြစ်သလို ​မေရီလင်း ​ပြည်နယ် ​တက္ကသိုလ်မှာလည်း ​တက္ကသိုလ်ဝင်ခွင့်ရေးရာဌာနမှာ ​တွဲဖက်ဒါရိုက်တာအဖြစ်နဲ့ ​တာဝန်ထမ်းဆောင်ခဲ့တဲ့ ​ဆရာစောကပီပဲ ​ဖြစ်ပါတယ်။ Credit to Radio Australia

KNU မှာဒီလိုမျိုးခေါင်းဆောင်တွေရှိပါသည်။

မြန် မာ ပြည် မှာ ဒီ လို မျိုး အ ကဲ ဆတ် အ ထိ မ ခံ နိုင် တဲ့ အ ချိန် မျိုး မှာ ဘာ လို ဒီ လို စ ကား လုံး တွေ သုံး ပြီး သ တင်း စာ ရှင်း လင်း ပွဲ လုပ် ပါ သ လဲ လို့ K N U ခေါင်း ဆောင် မန်း ငြိမ်း မောင် ကို မေး ချင် ပါ တယ်။

ရွှေဟသ်ာသာသတင်းဌာန

ပည်တွင်း ဗုံးဖေါက်ခွဲ မှုနှင့် ထရိတ်ဒါး ဗုံးပေါက်ခွဲ မှုသည် KNU လက်ချက်ဟု စွပ်စွဲ ခဲ့လျှင် မည်သည့် အချက် အလက်ဖြင့် စွပ်စွဲ နေသည်ကို သိလိုကြောင်း၊ KNU စစ်ဦးစီးရုံး တာဝန်ခံ ဗိုလ်မှူးချုပ် ရော်ဂျာခင်က ထုတ်ဖေါ်ပြောကြား ခဲ့ပါသည်။ “ KNU မှာ ပြည်တွင်းမှာ ဗုံးဖေါက် ခွဲဖို့ ပေါ်လစီ မရှိဘူး။ လုပ်လည်း မလုပ်ဘူး။ တကယ်လို့ စွပ်စွဲမယ် ဆိုရင် ဘယ်သူက စွပ်စွဲတာလဲ ဘယ်အချက် အလက် အပေါ် အခြေခံပြီး စွပ်စွဲ တာလဲ ကျနော်တို့ ဆန်းစစ်မယ်။ မဟုတ်ဘူး ဆိုရင်တော့ အဲဒီ စွပ်စွဲ ချက်ကို ဘယ်သူ တာဝန်ခံ မှာလဲ သိချင်တယ်။ မဟုတ်ရင် KNU ကို သိက္ခာ ချဖို့ ဖန်တီး နေတာလား ဆိုတာ ဖြေရှင်း လိုတယ်” ဟု ဆိုပါသည်။ အလားတူ KNU စစ်ဦးစီးချုပ် ဗိုလ်ချုပ်ကြီး ဂျော်နီကလည်း စွပ်စွဲချက်ရှိခဲ့လျှင် KNU ကလည်း အဖြစ်မှန်ကို ဖေါ်ထုတ် ချင်ပါသည်ဟု ဆိုပါသည်။ ယခု ဗုံးဖေါက် ခွဲမှုသည် လက်ရှိ နိုင်ငံရေး အခြေအနေအား သဘောမကျ သူများက ဖေါက်ခွဲ သည်လည်း ဖြစ်နိုင်ကြောင်း၊ တချို့ ကမူ ရည်ရွယ်ချက် တခုဖြင့် ဆီးဂိမ်း လုံခြုံရေးကို ထိုးစစ် သဘော တရားဖြင့် တပ်လှန့် ခြင်းသာ ဖြစ်သည့် အတွက် အစိုးရ လက်ချက်ဟု ပြောကြကြောင်း၊ တချို့ကမူ ဗုံးပေါက်မှု သမိုင်းကို အခြေခံပြီး တပ်တွင်း ပြသနာလည်း ဖြစ်နိုင်ကြောင်း သုံးသပ် ကြပါသည်။ ယခင် နိုင်ငံတော် ငြိမ်ဝပ် ပိပြားရေး ခေတ်က ဗုံးပေါက်ကွဲ မှုများသည် အများ စုသည် လက်သည် မပေါ်သဖြင့် အစိုးရ အပေါ်သံသယ ပွားကြ ပါသည်။ KNU ကမူ ယခုကဲ့သို့ ငြိမ်းချမ်းရေး ကြိုးပမ်းမှု ကာလတွင် KNU အား စွပ်စွဲ လာခြင်း ဖြစ်လာ ပါက စွပ်စွဲချက် အပေါ် အလေးအနက် ထားမည် ဖြစ်ကြောင်း ဆိုပါသည်။ အထူး သဖြင့် KNU တပ်မဟာ (၅) ၏ လက်ချက် ဖြစ်သည်ဟု သတင်များ ထွက်ပေါ်နေသော်လည်း တိကျသော စွပ်စွဲမှု မရှိသေးကြောင်း ဆိုပါသည်။ ဖြစ်နိုင်ခြေ ရှိသည်မှာ ဆီးဂိမ်း အားကစားပွဲ လုံခြုံရေး အတွက် အာရုံလွှဲ ပြောင်းခြင်း ဖြစ်နိုင် ကြောင်း၊ ယခု အချိန်အထိ ဟိုလိုလို သည်လိုလိုသာ ရှိနေ သေးသည်ဟု ထုတ်ဖေါ်ပြောဆို ခဲ့ပါသည်။ KNU သည် မြန်မာ နိုင်ငံ ပြုပြင် ပြောင်းလဲရေးကို ထောက်ခံသည့် အဖွဲ့ ဖြစ်ကြောင်း၊ နိုင်ငံရေး ပြသနာကို နိုင်ငံရေးအရ ဖြေရှင်းလိုသည့်အတွက် အပစ်အခတ် ရပ်စဲ ခဲ့ကြောင်း၊ အပစ်အခတ် ရပ်စဲ ရာတွင် KNU နှင့် သဘောတူ ထားသည့် အချက်များ အစိုးရဖက်မှ လိုက်လံ အကောင် အထည် ဖေါ်ခြင်း မရှိသော်လည်း ပြေလည်မှု ရသည် အထိ ဆွေးနွေး သွားမည်ဟု ခံယူ ထာေးကြာင်း ဆိုပါသည်။ ဤကဲ့သို့ သဘောထား ရှိသည့် KNU အား ဗုံးဖေါက်သည့် အဖွဲ့ဟု စွပ်စွဲ လာပါက စွပ်စွဲမှုကို တာဝန်ခံ ရမည် ဖြစ်ကြောင်း၊ ဤကဲ့သို့ ဖြစ်လာ ပါက အပြုသဘောဖြင့် KNU မှ လေးနက်စွာ ပူးပေါင်း ဆောင်ရွက် သွားမည် ဖြစ်ကြောင်း ဆိုပါသည်။

KIC intreview

ကေအဲန်ယူ ဒုဥက္ကဌ ပဒိုနော်စီဖိုးရာစိန် နှင့် တွေ့ဆုံမေးမြန်းခန်း October 12, 2013 • Posted in တွေ့ဆုံမေးမြန်းခန်း DSC_0023 “ကျမတို့ တောင်းဆိုတဲ့ ‘စစ်တပ်တွေ ပြန်လည်ဆုတ်ခွာပေးဖို့’ ဆိုတာက တစ်ဖက်နဲ့တစ်ဖက် ယုံကြည်မှု တည်ဆောက်ဖို့အတွက်ပဲ ဖြစ်တယ်။” ဆိုတဲ့ ကရင်အမျိုးသားအစည်းအရုံး (ကေအဲန်ယူ) ဒုဥက္ကဌ ပဒိုနော်စီဖိုးရာစိန်ရဲ့  တနိုင်ငံလုံး အပစ်အခတ်ရပ်စဲရေးအပေါ် အမြင် အစိုးရဘက်က တောင်းဆိုနေတဲ့ တနိုင်ငံလုံးအပစ်အခတ်ရပ်စဲရေး (Nationwide Ceasefire) နှင့် ပတ်သက်ပြီးတော့ ကျမတစ် ယောက်အမြင်နဲ့ဆိုရင် ကျမတို့ သေချာ စဉ်းစားဖို့ လိုအပ်ပါတယ်။ ဘာဖြစ်လို့လဲဆိုတော့ တနိုင်ငံလုံး အတိုင်းအတာ အပစ်အ ခတ်ရပ်စဲရေးဟာ ပထမဦးဆုံး ကျမတို့ ကေအဲန်ယူနဲ့ တိုင်းရင်းသားတွေက ဆွေးနွေးဖို့အတွက် စတင် တောင်းဆိုတဲ့အထဲမှာ ပါဝင်နေပါတယ်။ ကျမတို့ လိုလားတောင်းဆိုတာက အစိုးရအနေနဲ့ တနိုင်ငံလုံး အပစ်အခတ်ရပ်စဲကြောင်း ကြေညာဖို့အတွက်နဲ့ တိုင်းရင်းသားဒေသတွေမှာ ဖြစ်ပွားနေတဲ့ ပစ်ခတ်မှုတွေကို ရပ်ဆိုင်းဖို့ပါ။ သို့ပေမယ့် အခု အစိုးရ တောင်းဆိုနေတဲ့ တနိုင်ငံလုံး အပစ်အခတ်ရပ်စဲရေးဟာ တိုင်းရင်းသားတွေအားလုံး သွားရောက်လက် မှတ်ရေးထိုးဖို့အတွက် ဖြစ်နေတယ်။ အပစ်အခတ်ရပ်စဲရေးကို ပြည်နယ်အဆင့် လက်မှတ်ထိုးထားတဲ့ တိုင်းရင်းသားအဖွဲ့တွေက နေပြည်တော်မှာ အောက်တိုဘာလအတွင်း လက်မှတ်သွားထိုးရမှာ ဖြစ်တယ်။ အရင် ပြည်နယ်အဆင့် လက်မှတ်ရေးထိုးတုန်း က လုပ်ဆောင်ရမယ့် စစ်ဘက်ဆိုင်ရာလိုက်နာရမည် ကျင့်ဝတ်စည်းကမ်းတွေကို ကျမတို့ မလိုက်နာသေးတာ အများကြီး ရှိပါ သေးတယ်။ စစ်ဘက်ဆိုင်ရာနဲ့ တိုက်ရိုက်သက်ဆိုင်တဲ့ တပ်နေရာပြန်လည်ချထားရေး၊ တပ်နေရာ သတ်မှတ်ရေး စတာတွေဟာ ကျမတို့ ဘာမှမလုပ်ရသေးဘူး။ ဒါကြောင့် တနိုင်ငံလုံး အပစ်အခတ်ရပ်စဲရေးလုပ်ဖို့အတွက် ကျမတို့ ပထမအဆင့် သဘောတူ ညီပြီး လက်မှတ်ရေးထိုးထားတဲ့ ကိစ္စရပ်တွေကို အကောင်အထည်ဖော်ဆောင်ဖို့ အရင် လိုအပ်တယ်လို့ ကျမ မြင်ပါတယ်။ ပြင်ဆင်မှုဆိုင်ရာ သူတို့(အစိုးရစစ်တပ်)ရဲ့ ကြိုတင်ပြင်ဆင်မှုတွေနဲ့ ပတ်သက်ပြီး မပြည့်စုံသေးဘူးလို့ ကျမမြင်တယ်။ ဘာကြောင့်လဲဆိုတော့ ပြီးခဲ့ တဲ့ ဇူလိုင်လအတွင်းမှာ ကျမတို့ (Technical Team)က အပစ်အခတ်ရပ်စဲရေးဆိုင်ရာ လိုက်နာရမယ့် စည်းမျဉ်းစည်းကမ်း (Code of Conduct)နဲ့ ပတ်သက်ပြီး သွားရောက်တွေ့ဆုံရာမှာ အစိုးရဘက်က အကြမ်းရေးဆွဲထားတာရှိတယ်လို့ ပြောတယ်။ ဒါပေမယ့်လည်း မပြီးသေးတဲ့အတွက် ချမပြနိုင်သေးဘဲ ရေးဆွဲလို့ ပြီးစီးခဲ့တဲ့အခါကျမှ ထုတ်ပြမယ်လို့ ပြောပေမယ့် အခုချိန်ထိ ထုတ်ဖော်ပြသတာ မရှိသေးပါဘူး။ ဒီကိစ္စကို ရေးဆွဲဖို့အတွက် ကျမတို့ ကေအဲန်ယူက အချိန်တွေ အများကြီး အကုန်ခံခဲ့ပြီး ထပ်တလဲလဲ အကြမ်းရေးဆွဲ၊ တင်ပြထားပြီးပါပြီ။ ဒါ့အပြင် သြဂုတ်လက ကေအဲန်ယူ ဥက္ကဌနဲ့ အထွေထွေ အတွင်းရေးမှူးတို့ ဗိုလ်ချုပ်မှူးကြီးမင်းအောင်လှိုင် (တပ်မတော်ကာ ကွယ်ရေးဦးစီးချုပ်)ကို သွားရောက်တွေ့ဆုံရာမှာ မပြီးသေးဘူးလို့ တင်ပြခဲ့ပြန်တယ်။ သူတို့က ဗိုလ်ချုပ်သက်နိုင်ဝင်းကို ဆွဲခိုင်း ထားတဲ့ အကြမ်းတစ်ခုလည်း မပြီးသေးဘူးလို့ ပြောတယ်။ ဒါ့ကြောင့် အစိုးရအနေနဲ့ တနိုင်ငံလုံး အတိုင်းအတာနဲ့ အပစ်အခတ် ရပ်စဲရေး လုပ်ဆောင်ဖို့ ကြိုတင်ပြင်ဆင်မှုက လုံလောက်မှု မရှိသေးတာ ပေါ်လွင်နေပါတယ်။ ကျမတို့ဖက်က အမှန်တကယ် ကြို တင်ပြင်ဆင်မှုတွေ လုပ်ဆောင်နေသလို ပြန်လည်ပြင်ဆင်မှုတွေလည်း အကြိမ်ကြိမ် လုပ်ဆောင်ခဲ့ပြီးပြီမို့ အခု သူတို့ဘက်က ကြိုတင်ပြင်ဆင်မှုကို စောင့်နေရတဲ့ အခြေအနေမှာ ရှိနေပါတယ်။ KNLA နဲ့ အစိုးရတပ် သဘောထား တနိုင်ငံလုံး အတိုင်းအတာ အပစ်အခတ်ရပ်စဲရေးအပေါ် ကျမတို့ရဲ့ KNLA ဘက်က အမြင်သဘောထားတွေကတော့ ပြီးခဲ့တဲ့ စက်တင်ဘာလက စစ်ဘက်ဆိုင်ရာ အစည်းအဝေးမှာ ဆုံးဖြတ်ချက် ၈ချက် ဆုံးဖြတ်ထားပြီးဖြစ်တယ်။ အဲဒီဆုံးဖြတ်ချက်တွေ ထဲမှာ အထူးသဖြင့် စစ်တပ်ရဲ့ နေရာ၊ စစ်တပ်နေရာ ပြန်လည်ချထားရေးကိစ္စကို လက်မှတ်မရေးထိုးသေးခင်မှာ အရင်ဆုံး လုပ်ရ မယ်၊ အရင်ဆုံး သဘောတူညီရမယ်။ အဲဒါက (၈)ချက်ထဲက တစ်ချက်ပါပဲ။ ဒါကို ကျမတို့ တင်ပြရမှာ ဖြစ်သလို လုပ်လည်းလုပ် ဆောင်ရမှာ ဖြစ်ပါတယ်။ ကျမပြောခဲ့တဲ့ စစ်တပ်ရဲ့ အခန်းကဏ္ဍနဲ့ပတ်သက်ပြီး အစိုးရဘက်က ဘယ်လိုပဲ သဘောထားရှိပါစေ၊ အချိန်အတိုင်းအတာတစ် ခုအနေနဲ့ သတ်မှတ်ပြီး ပြီးအောင်လုပ်မယ်လို့ ပြောပေမယ့်လည်း ဗိုလ်ချုပ်မှူးကြီးမင်းအောင်လှိုင်ရဲ့ တင်ပြချက်အရ စစ်တပ် လိုက်နာရမယ့် ကျင့်ဝတ်စည်းကမ်းများ (Code of Conduct)ကို သူတို့ရေးဆွဲလို့ မပြီးသေးတဲ့အပေါ်မှာ သူတို့ရဲ့ ကြိုတင်ပြင်ဆင် မှု အဆင်သင့် မဖြစ်သေးတာတွေက ကျမတို့ အလေးထား စဉ်းစားရမယ့်ကိစ္စတစ်ခု ဖြစ်ပါတယ်။ အဲဒါကြောင့် အခြေအနေတစ်ခုလုံးကို ပြန်ကြည့်မယ်ဆိုရင် ကျမတို့ လုပ်ဆောင်ခဲ့တဲ့အရာတွေ၊ ကျမတို့ နှစ်ဘက် သဘောတူ ထားတဲ့ ကတိက၀တ်အချို့ကို အစိုးရဘက်က လိုက်နာဆောင်ရွက်မှု မရှိသေးတာရှိတယ်။ ပြီးစီးအောင် လုပ်ဆောင်ရမယ့်ဟာကို မလုပ်ဆောင်ဘဲနဲ့ တနိုင်ငံလုံးအတိုင်းအတာ အပစ်အခတ်ရပ်စဲရေးအတွက် သွားရောက်လက်မှတ်ရေးထိုးမယ်ဆိုရင် အရင်က ကျမတို့ လက်မှတ်ရေးထိုးခဲ့တာဟာ အာမခံချက် ဘယ်လောက်ရှိပြီလဲဆိုတာကလည်း ကျမတို့ ကေအဲန်ယူအတွက်ဖြစ်စေ၊ တိုင်းရင်းသားတွေအတွက်ဖြစ်စေ စဉ်းစားချက်တစ်ခုလည်း ဖြစ်ပါတယ်။ ဖြစ်လာနိုင်သော စိုးရိမ်မှု နောက်တစ်ခုက လောလောဆယ်မှာ တိုက်ပွဲတွေ မရပ်တန့်သေးပါဘူး။ အထူးသဖြင့် ကချင်ပြည်နယ်မှာ နေ့တိုင်းလိုလို ပစ်ခတ် မှုတွေ ဖြစ်ပွားနေသလို စစ်ပြေးဒုက္ခသည်တွေလည်း နေ့စဉ်လိုလို ပြေးလွှားနေရဆဲဆိုတာကို ကြည့်ခြင်းအားဖြင့် တိုက်ပွဲတွေ ရှိနေတုန်းပဲဆိုတာ ကျမတို့ ပြောလို့ရတယ်။ ခိုင်မာတဲ့ အပစ်အခတ် ရပ်စဲရေးဆိုင်ရာ ကျင့်ဝတ်တွေကို မလုပ်နိုင်သေးတဲ့အတွက် ကျမတို့ ကေအဲန်ယူနယ်မြေအတွင်းမှာလည်း အလားတူ ဖြစ်ပွားမှုတွေရှိသေးသလို မလိုက်နာမှုတွေလည်း ရှိပါတယ်။ ဒါကြောင့် ကချင်ပြည်နယ်ဘက် တိုက်ပွဲတွေ ဖြစ်ပွားနေဆဲအချိန်မှာ ကေအဲန်ယူတစ်ဖွဲ့တည်းဖြစ်စေ၊ ကေအဲန်ယူနှင့် အခြားအဖွဲ့တွေဖြစ်စေ သွားရောက် လက်မှတ်ရေးထိုးမယ်ဆိုရင် ကြီးမားတဲ့ စိုးရိမ်မှုတွေ ဖြစ်လာစေနိုင်ပါတယ်။ ဘာဖြစ်လို့လဲဆိုတော့ အရင်တုန်းက ကြုံတွေ့ခဲ့ရတဲ့ အဖြစ်အပျက်တွေအရ ကျမတို့ တိုင်းရင်းသားတွေကို တစ်ဖွဲ့ပြီးတစ်ဖွဲ့ အကွဲအပြဲဖြစ်အောင် လုပ်ဆောင်ခဲ့တာကို ကြည့်ခြင်းအားဖြင့် ဒီပုံစံအတိုင်းသာ ဆက်ပြီးဖြစ်မယ်ဆိုလို့ရှိရင် ကျမတို့ တိုင်းရင်းသားတွေအကြားမှာ အမြင်မတူညီတာတွေနဲ့ အကွဲအပြဲတွေ ဖြစ်လာစေပြီး တစ်ဖက်နဲ့တစ်ဖက် အမြင်မှားတာတွေလည်း ဖြစ်ပေါ်လာနိုင်ပါတယ်။ တိုင်းရင်းသားအဖွဲ့ အနည်းငယ်သာ သွားရောက်လက်မှတ်ရေးထိုးမယ်ဆိုရင် တနိုင်ငံလုံးအတွက် ငြိမ်းချမ်းရေးမဟုတ်သလို အပစ်အခတ် ရပ်စဲရေးအတွက်လည်း မဟုတ်သေးဘူးလို့ ကျမမြင်ပါတယ်။ ဒါကြောင့် တနိုင်ငံလုံး အပစ်အခတ်ရပ်စဲရေးကို ကျမတို့ သွားရောက်လက်မှတ်ရေးထိုးဖို့ ဆိုတာက တိုင်းရင်းသားအဖွဲ့တွေ အကုန်လုံး မပါဝင်သေးတာမို့ အခုအခြေအနေမှာ မဖြစ်နိုင်သေးသလို၊ ဖြစ်လည်းမဖြစ်သင့်သေးပါဘူး။ ဒါကြောင့် အားလုံးအကျိုးကျေးဇူးနဲ့ တိုင်းရင်းသားတွေ အကျိူးကျေးဇူးအ တွက် ကျမတို့ တိုင်းရင်းသားတွေအားလုံး အခြေအနေ အစစ်အမှန်ကို စောင့်ကြည့်ဖို့က သင့်တော်တဲ့ လမ်းကြောင်းတစ်ခုပဲလို့ ကျမအနေနဲ့ မြင်ပါတယ်။ အပစ်အခတ် ရပ်စဲရေးရယ်လို့ ကျမတို့ ပြောနေပြီဆိုရင် တနိုင်ငံလုံးမှာ အပစ်အခတ်တွေ အကုန်လုံး ရပ်စဲသွားမယ်။ ပြီးတော့ တနိုင်ငံလုံး သေနတ်သံတွေလည်း အကုန်လုံး တိတ်ဆိတ်နေရမှာ ဖြစ်ပါတယ်။ တနိုင်ငံလုံး အပစ်အ ခတ်ရပ်စဲရေးဖြစ်စေ၊ တနိုင်ငံလုံး ငြိမ်းချမ်းရေး တည်ဆောက်မှုမှာဖြစ်စေ၊ ကျမတို့ဘက်က စိတ်ရင်းစေတနာ အရင်းခံနဲ့ အားကြိုး မာန်တက် ကြိုးပမ်းလုပ်ဆောင်နေပါတယ်။ ဒါကြောင့် အခုကျမတို့ သွားနေတဲ့လမ်းကြောင်းကို အလဟဿ မဖြစ်စေချင်ဘူး။ ဘယ်အချိန် လုပ်ဆောင်ရမလဲ၊ ဘယ်အချိန်ပြီးစီးအောင် လုပ်ရမလဲဆိုတာကလည်း အချိန်အကန့်အသတ်နဲ့ သတ်မှတ်ထားတာ မရှိပါဘူး။ တိုင်းရင်းသားတွေအကုန်လုံး ပါဝင်ပြီး တနိုင်ငံလုံး အတိုင်းအတာကို တစ်ခါတည်း လက်မှတ်ထိုးသွားမှသာ တိုင်းရင်း သားတွေ အားလုံးအတွက် အာမခံချက်ဖြစ်သလို တနိုင်ငံလုံးအတွက်လည်း ဖြစ်ပါတယ်။ ကျမတို့ အမှန်တကယ် လိုလားတောင်းတနေတာက စစ်မှန်တဲ့ ငြိမ်းချမ်းရေးတည်ဆောက်နိုင်ဖို့။ ဒါကြောင့် အခု ခိုင်မာတဲ့ အပစ် အခတ်ရပ်စဲရေးကို ကျမတို့ တိတိကျကျနဲ့ တစ်ဆင့်ပြီးတစ်ဆင့် လျှောက်လှမ်းလုပ်ဆောင်သွားချင်ပါတယ်။ ဒါမှ ကျမတို့သွားနေ တဲ့လမ်းကြောင်းဟာ အကျိုးကျေးဇူးရှိပြီး ပြည်သူလူထုတွေအတွက် ယုံကြည်မှုတွေ သယ်ဆောင်လာနိုင်မှာ ဖြစ်ပါတယ်။ ကျမ တို့ အခု လုပ်ဆောင်နေတဲ့ အပစ်အခတ်ရပ်စဲရေးကို ပြည်သူတွေအတွက် ဘယ်လောက်အကျိုးကျေးဇူးရသလဲဆိုတာကို ကျမ တို့အနေနဲ့ အလေးထားစဉ်းစားဖို့ လိုအပ်လာပါတယ်။ အခု အစိုးရတောင်းဆိုတဲ့ နောက်တစ်ဆင့်တက်လှမ်းဖို့ ဆက်သွားမယ်ဆိုလို့ရှိရင် အရင်လုပ်ထားတဲ့ ပြည်နယ်အဆင့်၊ ပြည်ထောင်စုအဆင့် လက်မှတ်ရေးထိုးထားတာတဲ့ ကိစ္စရပ်တွေကို ပြီးစလွယ် လုပ်ဆောင်သလို ဖြစ်သွားမယ်။ အရင်က အစိုးရ နဲ့ သဘောတူညီထားတဲ့ ကတိက၀တ်တွေကို အခုထက်ထိ ဘာမှမလုပ်ရသေးဘဲ နောက်တဆင့် ဆက်သွားမယ်ဆိုရင် ကျမတို့ လုပ်ထားခဲ့တာတွေဟာ ဘာအကျိုးကျေးဇူးမှမရှိဘဲ အလဟဿ ဖြစ်သွားတာနဲ့ တူပါတယ်။ အဲဒါကြောင့် အခုအချိန်မှာ ကျမတို့ အဓိကထားပြီး စဉ်းစားလုပ်ဆောင်ရမှာ ဖြစ်ပါတယ်။ ကျင့်ဝတ်များကို လိုက်နာဆောင်ရွက်သင့် အပစ်အခတ်ရပ်စဲရေး ကာလအတွင်း စစ်တပ်တွေ လိုက်နာရမယ့် ကျင့်ဝတ်စည်းကမ်းတွေကို လုပ်ဆောင်ဖို့ ကျမတို့ သဘော တူညီခဲ့တာကို မလုပ်ရသေးဘဲ နောက်တစ်ဆင့် တက်လှမ်းဖို့ မသင့်သေးပါဘူး။ ဥပမာ ပြန်ကြည့်မယ်ဆိုရင် ပထမအဆင့် ကျမ တို့ အပစ်အခတ်ရပ်စဲရေးတုန်းက ဆွေးနွေးခဲ့ရာမှာ တစ်ဖက်နဲ့တစ်ဖက် ယုံကြည်မှု တည်ဆောက်နိုင်ရေးအတွက် ကျမတို့ ကေအဲန်ယူနယ်မြေ ခရိုင်၊ တပ်မဟာတွေမှာ ၀င်ရောက်နေရာယူ လှုပ်ရှားနေတဲ့ အစိုးရစစ်တပ်တွေ ပြန်လည်နောက်ဆုတ်ပေးဖို့ တွေဟာ စစ်ရေးလှုပ်ရှားမှုရှိတဲ့နေရာတွေပဲ ဖြစ်တယ်။ စခန်းအသေ လာချထားတဲ့ စစ်တပ်တွေ မဟုတ်ဘူး။ ရှေ့တန်းစစ်မျက်နှာ ပြင်မှာ လာရောက်လှုပ်ရှားပြီး နယ်မြေလာရောက် တိုးချဲ့တဲ့အဖွဲ့နဲ့ စစ်တပ်စခန်းငယ်လေးတွေကို ဆိုလိုတာပါ။ ကျမတို့ တောင်း ဆိုတဲ့ “စစ်တပ်တွေ ပြန်လည်ဆုတ်ခွာပေးဖို့” ဆိုတာက တစ်ဖက်နဲ့တစ်ဖက် ယုံကြည်မှု တည်ဆောက်ဖို့အတွက်ပဲ ဖြစ်တယ်။ အဲဒီနေရာတွေဟာ ပြည်သူတွေ နေထိုင်ရာ၊ လုပ်ကိုင်စားသောက်တဲ့နေရာ၊ ကျေးရွာတွေ တည်ရှိတဲ့နေရာနဲ့ အများပြည်သူ ကိုး ကွယ်ယုံကြည်သက်ဝင်တဲ့ ဘာသာရေးအဆောက်အအုံတွေ ရှိတဲ့နေရာတွေဖြစ်တယ်။ ဒီကိစ္စတွေကို ၂၀၁၂ခုနှစ်၊ စက်တင်ဘာ လတုန်းက သူတို့ဆီကို ကျမတို့ အသေအချာ တင်ပြတောင်းဆိုခဲ့ပါတယ်။ ဒါကို အစိုးရဘက်က တစုံတရာ လုပ်ဆောင်တာ အခု ထိ မတွေ့ရသေးတာမို့ ဒီကိစ္စကို အရင်ပြီးအောင် ဆောင်ရွက်ဖို့ လိုပါတယ်။ ခိုင်မာတဲ့ အပစ်အခတ်ရပ်စဲရေးအတွက် အပစ်ရပ် နေစဉ်ကာလအတွင်း စစ်ဘက်ဆိုင်ရာ လိုက်နာရမယ့် ကျင့်ဝတ်စည်းကမ်းတွေကို စစ်တပ်အနေနဲ့ လိုက်နာဆောင်ရွက်ဖို့က အလွန် အရေးကြီးပါတယ်။ ပဒိုနော်စီဖိုးရာစိန်သည် ၂၀၀၈ခုနှစ်တွင် ကျင်းပခဲ့သည့် ၁၄ကြိမ်မြောက် ကေအဲန်ယူ ရွေးကောက်ပွဲတွင် အထွေထွေ အတွင်းရေးမှူးအဖြစ် ရွေးကောက်ခံရပြီး ၂၀၁၂ခုနှစ်၊ ဧပြီလနှင့် စက်တင်ဘာလအတွင်း အစိုးရနှင့် တွေ့ဆုံဆွေးနွေးရာ၌ ဦးဆောင်ပါဝင်ခဲ့သည်။ ၎င်းနောက် ၂၀၁၂ခု နှစ် ၁၅ကြိမ်မြောက် ကေအဲန်ယူ ရွေးကောက်ပွဲအပြီးတွင် ဒုဥက္ကဌအဖြစ် ထပ်မံ ရွေးကောက်ခံရသူ အမျိုးသမီးခေါင်းဆောင်တစ်ဦးဖြစ်သည်။

KNU leader – Govt’s Labels Nationwide Ceasefire

တိုင်း ပြည် ချစ် စိတ်

တိုင်းပြည် ချစ် စိတ် အ ရေး တော် ပုံ တပ် သား

K N U ခေါင်း ဆောင် တွေ နား ထောင် သင့် တဲ့ ဒေါ် အောင် ဆန်း စု ကြည် ရဲ့ မိန့် ခွန်း လေး ပါ။ အ ခု ဗ မာ အ စိုး ရ လုပ် တဲ့ တ ဖက် သတ် အ စီ အ စဉ် တွေ ကို စဉ်း စား ဖို့ နဲ့ ချင့် ချိန် ဖို့ ပါ။

ဒေါ်အောင်ဆန်းစုကြည်စက်ာပူတိုက်ရိုက်လွင့်ထုတ်မှု

Kwe Kaw Lu Interview KWO Secretary

T

Kwe Ka Lu Video

က ရင် တစ် ကျပ် ဗ မာ တစ် ကျပ်

အပစ်အခတ်ရပ်စဲရေးနှင့်ပတ်သက်၍ တပ်မဟာ (၅)နယ်မြေ၊ မူတြော်ခရိုင်၏သဘောထား

July 10, 2013 at 5:45pm

                                                       

                                  တပ်မဟာ(၅) တပ်မဟာမှူး ဗိုလ်မှူးချုပ် စောဘောကျော်ဟဲ

  “KNU တပ်မဟာနှင့် ခရိုင်များအားလုံး ဤကဲ့သို့ ခိုင်မာပြတ်သားသော အမျိုးသားရပ်တည်ချက် ရှိပါက ကရင်ပြည်သူများ၏
                    အားကိုးယုံကြည်မှုနှင့် အားပေးထောက်ခံမှုကိုအမြဲရရှိနေမည်ဖြစ်ပါသည်”

ယခုလက်ရှိအချိန်သည် KNU ခေါင်းဆောင်များနှင့် ဗမာအစိုးရ တို့အကြား ငြိမ်းချမ်းရေး တည်ဆောက်နိုင်ရန်အတွက် အပစ်အခတ် ရပ်စဲရေးကိစ္စဆွေးနွေးပြောဆိုနေဆဲကာလဖြစ်ပါသည်။ သို့သော် တိကျသေချာသောသဘောတူညီမှု တစုံတရာမရ ရှိနိုင်သေး ပါ။ နှစ်ဦးနှစ်ဖက်အကြား ယုံကြည်မှုတည်ဆောက်နေဆဲ ကာလဖြစ်ပြီး စစ်မှန်သောငြိမ်းချမ်းရေး တခုမရရှိနိုင်သေးသောကြောင့် -


 ၁။ ကျွန်ုပ်တို့နယ်မြေဒေသအတွင်း ကရင်အမျိုးသားများ၏ စာပေ၊ သမိုင်း၊ ယဉ်ကျေးမှုနှင့်နိုင်ငံရေး ရည်မှန်းချက်များအား ၀ါးမြို လွှမ်းမိုးသွားမည့် ဗမာစစ်အစိုးရ၏ ပညာရေးအစီအစဉ်များအား လာရောက်တိုးချဲ့လုပ်ကိုင်ခွင့်မပေးနိုင်ပါ။ ကျွန်ုပ်တို့၌ မိခင်ပညာရေးအစီအစဉ်ရှိနှင့်ပြီးသားဖြစ်ပါသည်။


၂။ ကျွန်ုပ်တို့ဒေသခံလူထုများ၏ မူလမြေယာပိုင်ဆိုင်ခွင့်ကို ဆုံးရှုံးသွားစေမည့်၊ ဒေသခံလူမျိုးတို့၏ မူလဘ၀နေထိုင်မှုနှင့် သဘာဝအသက်မွေးဝမ်းကျောင်းများအားပျက်စီးသွားစေမည့် စစ်အစိုးရ၏ စီးပွားရေး၊ ဖွံ့ဖြိုးရေးလုပ်ငန်းအစီအစဉ်များကို ကျွန်ုတို့နယ်မြေအတွင်း ခွင့်ပြု လက်မခံနိုင်ပါ။


  ၃။ ကျွန်ုပ်တို့နယ်မြေဒေသအားလုံးသည် မူလဒေသခံလူမျိုးများ၏ ဘိုးဘွားစဉ်ဆက် ပိုင်ဆိုင်လာသော မြေများဖြစ်သောကြောင့် ဗမာစစ်အစိုးရမှ လယ်ယာ၊ ဥယာဉ်ခြံမြေများအား လာရောက်တိုင်းထွာ၊ စာရင်းယူရန်မလိုအပ်ပါ။ ကျွန်ုပ်တို့၌ မြေဂရမ်ပိုင်ဆိုင်မှုစာရင်း၊ ဇယားရှိနှင့်ပြီးဖြစ်ပါသည်။  


၎။ လက်ရှိဗမာအစိုးရမှ ကျွန်ုပ်တို့နယ်မြေအတွင်းရုံးခန်းလာရောက်ဖွင့်လှစ်ပြီး မှတ်ပုံတင်ပြုလုပ်ရန် ကိစ္စကိုကျွန်ုပ်တို့လက်မခံနိုင်ပါ။ ပြည်ထောင်စုအစိုးရတရပ် ပေါ်ပေါက်လာသောအခါ ၄င်းအစိုးရမှပြုလုပ်ပေးသော မှတ်ပုံတင်ကိုသာ ကျွန်ုပ်တို့လက်ခံအသိအမှတ်ပြုပါမည်။


  ၅။ ကျွန်ုပ်တို့တပ်မဟာ နှင့်ခရိုင်နယ်မြေများတွင် ပြည်သူကျန်းမာရေးအတွက် နယ်မြေခံဆေးပေးခန်းများ ရှိပြီး နယ်လှည့်ကျောပိုးအိပ်ကျန်းမာရေးအစီအစဉ်များလည်းရှိနေပြီးဖြစ်၍ ဗမာစစ်အစိုးရမှ ကျွန်ုပ်တို့နယ်မြေအတွင်း ကျန်းမာရေးအစီအစဉ်များလာရောက်လုပ်ကိုင်ခြင်းကို ကျွန်ုပ်တို့ခွင့်မပြု၊ လက်မခံနိုင်ပါ။


၆။ ကျွန်ုပ်တို့နယ်မြေအတွင်း ဗမာစစ်အစိုးရ၏ ရှိနှင့်ပြီးပညာရေးနှင့် ကျန်းမာရေး အစီအစဉ်များအား လက်ရှိအတိုင်း ယာယီယှဉ်တွဲလုပ်ကိုင်ခွင့်ပြုပါသည်။  


၇။ နိုင်ငံရေးအရဆွေးနွေး၊ ညှိနှိုင်းအဖြေရှာပြီး နှစ်ဦးနှစ်ဖက်လုံးမှ အမှန်တကယ်ယုံကြည်မှု တည်ဆောက်နိုင်သောအချိန်ကာလတွင်မူ အထက်ပါအကြောင်းအရာ အားလုံးကို ညှိနှိုင်းလုပ်ကိုင်သွားမည်ဖြစ်ပါသည်။

မူတြော်ခရိုင်

လူသောဖောဒေး blog မှ ရဲရဲတွေး ဘာသာပြန်ဆိုတင်ပြပါသည်။

ပ လိုင်း ထဲ က

K N U အ တွင်း ရေး မှုး က စီး ပွါး ရေး နဲ့ ပတ် သက် ပြီး ပြော ခဲ့ တာ ကို အ ပေါ် က ရုပ် သံ မှာ နား ထောင်း ပြီး အောက် က သ တင်း နဲ့ ရုပ် သံ ကို ဆက် ကြည့် ပါ။ သိန်း စိန် အ စိုး ရ ရဲ့ ပ လိုင်း ထဲ K N U ခေါင်း ဆောင် ဘယ် နှစ် ယောက် များ ရောက် သွား ပြီ လဲ မ သိ ဘူး။

KNU တပ်မဟာ(၇) စီးပွားရေးအဖြစ် ခရီးသွားလုပ်ငန်း စတင်လုပ်ဆောင်

Submitted by admin on Thursday, 4 July 2013--

ဇူလိုင်လ ၄ရက်၊ ၂၀၁၃ခုနှစ်။ စဖန်းရှောင်း (ကေအိုင်စီ)

ကရင်အမျိုးသားအစည်းအရုံး KNU ၏ ဖားအံခရိုင်၊ တပ်မဟာ (၇)မှ ခရီးသွားနှင့် ကူးသန်းရောင်းဝယ်ရေး လုပ်ဆောင်ရန် MOE KO SAN Traval & Tours Company Limited and Trading Company Limited ကို ကရင်ပြည်နယ်၊ မြ၀တီမြို့နယ် အမှတ် (၄)ရပ်ကွက်၊ သီရိမင်္ဂလာလမ်းတွင် ယနေ့ ဖွင့်လှစ်လိုက်သည်။
KNU ၏ တပ်မဟာ(၇)ကို ကိုယ်စားပြုသည့်အနေဖြင့် ကုမ္ပဏီကို တရားဝင် ဖွင့်လှစ်ခွင့်ရခြင်းဖြစ်ပြီး နောက်လာမည့်ကာလများ အတွက် မလွဲမသွေ လုပ်ကိုင်ရမည့် စီးပွားရေးအတွက် ကြိုတင်ပြင်ဆင်သည့်အနေဖြင့် လုပ်ဆောင်ရခြင်းဖြစ်ကြောင်း ကုမ္ပဏီ၏ မန်နေဂျင်းဒါရိုက်တာ စောမိုးဇက်က ယခုလို ပြောသည်။
“ကျနော်တို့အနေနဲ့က နောင်တစ်ချိန်မှာ နိုင်ငံတကာ စီးပွားရေးဈေးကွက်ကို ၀င်ရောက်နိုင်ဖို့ဆိုတာ တစ်ဦးတစ်ယောက်တည်းနဲ့ လုပ်လို့မရပါဘူး။ အဲဒီတော့ ကုမ္ပဏီအဖြစ် ဖွဲ့စည်းပြီးမှ ဈေးကွက်ကို ၀င်ရောက်နိုင်မှာ ဖြစ်တဲ့အတွက် ကြိုးစားပြီး ဖွင့်လှစ်ရခြင်း ဖြစ်ပါတယ်။”ဟု ကေအိုင်စီသို့ ပြောသည်။
အဆိုပါကုမ္ပဏီအနေဖြင့် ထိုင်း၊ ဂျပန်၊ အမေရိကန် စသည့်နိုင်ငံများမှ လုပ်ငန်းရှင်များနှင့် ချိတ်ဆက်ကာ ခရီးသွားဝန်ဆောင်မှု လုပ်ငန်းကို အဓိကထား စတင်လုပ်ဆောင်သွားမည်ဖြစ်ပြီး သွင်းကုန် ထုတ်ကုန်လုပ်ငန်းများကိုလည်း လုပ်ဆောင်သွားရန် ရှိ သည်ဟု သိရသည်။
ထိုသို့လုပ်ဆောင်ရာတွင် ကုမ္ပဏီရုံးအပြင် KNU တပ်မဟာ (၇)၊ စီးပွားရေးရုံးအဖြစ်လည်း သတ်မှတ်ထားရှိမည်ဖြစ်ပြီး အခြား သော ပြည်တွင်းပြည်ပ စီးပွားရေးလုပ်ငန်းရှင်များနှင့်လည်း ဆက်စပ်လုပ်ကိုင်သွားမည် ဖြစ်သည်ဟု သိရသည်။
စောမိုးဇက်က “ဒီရုံးကို တပ်မဟာ (၇) စီးပွားရေးရုံးအနေနဲ့လည်း သတ်မှတ်လို့လည်း ရပါတယ်။ ဒီရုံးကနေ KNU က ချမှတ် ထားတဲ့ စီပွားရေးဆိုင် စည်းမျဉ်းစည်းကမ်းများနှင့်အညီ လုပ်ကိုင်သွားမှာပါ။”ဟု ပြောသည်။
မြန်မာအစိုးရနှင့် KNU တို့အကြား ငြိမ်းချမ်းရေးဖော်ဆောင်နေစဉ်ကာလအတွင်း နိုင်ငံရေးအရ ခိုင်မာသော အာမခံချက် မရှိသ ရွေ့ စီးပွားရေးလုပ်ငန်းများကို စနစ်တကျဖြင့် သေချာစောင့်ကြည့်ပြီးမှ ရှေ့ဆက် တိုးချဲ့လုပ်ဆောင်သွားရန်ရှိကြောင်းလည်း ၎င်းက ဆက်လက် ပြောကြားသည်။

အဆိုပါကုမ္ပဏီဖွင့်ပွဲကို ယနေ့နံနက် ၉နာရီအချိန်တွင် စတင် ဖွင့်လှစ်ရာ ဗိုလ်မှူးကြီးဖောဒို၊ မြ၀တီဆက်ဆံရေးရုံး တာဝန်ခံ ဗိုလ် မှူးလယ်မှူးနှင့် မြ၀တီခရိုင် ဒုရဲမှူးကြီး ဦးအောင်မြင့်၊ ခရိုင် လူဝင်မှုကြီးကြပ်ရေး ဦးစီးဌာနမှူး ဦးအောင်ဝင်းသိန်းတို့အပြင် စီးပွားရေး လုပ်ငန်းရှင်အချို့ အပါအ၀င် လူဦးရေ ၁၀၀နီးပါး လာရောက်ခဲ့ကြသည်။
ယခု ဖွင့်လှစ်ထားသော MOE KO SAN Traval & Tours Company Limited and Trading Company Limited ကုမ္ပဏီရုံး တည်ရှိရာနေရာသည် ယခင် KNU ဆက်ဆံရေးရုံး (မြ၀တီ) ရုံးစိုက်ရာနေရာတွင် ပြန်လည် ဖွင့်လှစ်ထားခြင်းဖြစ်ပြီး မြန်မာအစိုးရ ထံမှ တရားဝင် ခွင့်ပြုချက်ဖြင့် ခရီးသွားဝန်ဆောင်မှုလုပ်ငန်းကို ပထမဆုံး စတင် လုပ်ဆောင်နေခြင်းဖြစ်သည်။

ခ ရို နီ အိတ် ကပ် ထဲ က 

KIC news

ရွာသားများအား ရိုက်နှက် ခဲ့သူ အစိုးရတပ်ရင်းမှူး ခြိမ်းခြောက်မှုဆက်လုပ်နေဆဲ

Submitted by admin on Monday, 10 June 2013--

ဇွန်လ ၁၀ရက်၊ ၂၀၁၃ခုနှစ်။ စောခါးစူးညား (ကေအိုင်စီ)

တနင်္သာရီတိုင်း၊ ထားဝယ်ခရိုင်၊ မေတ္တာမြို့နယ်ခွဲရှိ ၀ါးတောရွာသားလေးဦးကို စေခိုင်းမရ၍ ရိုက်နှက်ခဲ့သည့် အစိုးရတပ် စစ်ကွပ် ကဲရေးဌာနချုပ်(စကခ-၁၉) လက်အောက်ခံ ခြေမြန်တပ်ရင်း (ခမရ-၅၈၈) တပ်ရင်းမှ ဗိုလ်မှူးအောင်ဝင်းထူးသည် ဇွန်လ ၈ရက် နေ့က ၀ါးတောတောင်သူတစ်ဦးအား ထပ်မံ ခြိမ်းခြောက်ခဲ့သည်။
အမည်မဖော်လိုသူ ဒေသခံတစ်ဦးက “ဇွန်လ ၇ရက်နေ့က ဗိုလ်မှူးအောင်ဝင်းထူးကို မေတ္တာမြို့က ဗျူဟာက ခေါ်တယ်။ ခေါ်ပြီး အဲဒီညနေမှာပဲ ပြန်လာတယ်။ ပြန်လာပြီး နောက်နေ့မနက်မှာပဲ တောင်ယာခင်းက ပိုးသတ်ဆေးဖြန်းနေတဲ့ ၀ါးတောရွာက စော ချစ်မောင် ၂၅နှစ်ကို ဘယ်သူ့အမိန့်နဲ့ ဒီဆေးကို ဖြန်းတာလဲမေးပြီး မင်းရဲ့ ၀ါးတောရွာ ဥက္ကဌကို သွားခေါ်စမ်းလို့ခိုင်းတယ်”ဟု ကေအိုင်စီသို့ ပြောဆိုသည်။
ဗိုလ်မှူးအောင်ဝင်းထူးသည် ယခုလ ၄ရက်နှင့် ၅ရက်နေ့များက ၀ါးတောရွာသားများကို ရိုက်နှက်ခဲ့သဖြင့် သက်ဆိုင်ရာ နည်းဗျူ ဟာ(၂)နှင့် စစ်ဗျူဟာ(၂)သို့ ရွာသားများက တိုင်ကြားခံခဲ့သည်ကို သက်ဆိုင်ရာက ခေါ်ယူစစ်ဆေးခြင်းသာ လုပ်ဆောင်ခဲ့ပြီး ၎င်းတာဝန်ကျရာ တပ်ရင်းသို့ ပြန်ရောက်လာပြီးနောက်ပိုင်း ထိုသို့ ခြိမ်းခြောက်မှု ဆက်လုပ်နေခြင်းဖြစ်သည်။
ထို့အပြင် ၀ါးတောရွာသားများ ရိုက်နှက်ခံရခြင်းနှင့်ပတ်သက်၍ မေတ္တာမြို့နယ်ခွဲအခြေစိုက် ကရင်အမျိုးသားအစည်းအရုံး(KNU) ၏ ထီးမိုပွာမြို့နယ်မှူး ပဒိုစောကြည်နိုက ဇွန်လ ၆ရက်နေ့တွင် မေတ္တာမြို့သို့သွားရောက်ကာ ညှိနှိုင်းမှုများ ပြုလုပ်ခဲ့သည့်တိုင် ယခုလို အပြုအမူများ ဆက်လက် ဖြစ်ပွားနေဆဲဖြစ်ကြောင်း KNU နှင့် နီးစပ်သူတစ်ဦးက ပြောသည်။
သို့သော် ၀ါးတောရွာအနောက်ဘက် မနီးမဝေးရှိ လမ်းခွဲနေရာ၌ ယခင် တပ်စွဲထားသည့် ခမရ-၅၈၈ တပ်ရင်းသည် ဇွန်လ ၅ရက် နေ့နောက်ပိုင်းက ထိုနေရာမှ ထွက်ခွါသွားခဲ့သည်ဟု ဒေသခံများက ပြောဆိုသည်။
မြန်မာအစိုးရ လှုပ်ရှားစစ်တပ် ထီးထာ့ရွာအခြေစိုက် ခမရ-၅၈၈ တပ်ရင်းမှူး ဗိုလ်မှူးအောင်ဝင်းထူးသည် ဇွန်လ ၄ရက်နေ့က ၀ါးတောရွာသားဖြစ်သူ စောဖောရီ၊ စောခွါးသားနှင့် စောအောင်ကျော်မိုး ၃ဦးနှင့် စောအချိုင်းကို ပါးရိုက်ခဲ့သည်။ ၎င်းတပ်ရင်း သည် ခမရ-၂၉၉ တပ်ရင်း၏နေရာကို မေလ ၂၆ရက်နေ့ကမှ အစားထိုး ၀င်ရောက်လာသည့် တပ်ရင်းဖြစ်ပြီး လက်ရှိ တစ်ဖွဲ့လျှင် အင်အား ၆၀ ၀န်းကျင်ဖြင့် အဖွဲ့နှစ်ဖွဲ့ခွဲ၍ လှုပ်ရှားလျှက်ရှိသည်။
ယင်းသို့ တပ်အပြောင်းအလဲ ပြုလုပ်ချိန်က ဗိုလ်မှူးအောင်ဝင်းထူးဦးဆောင်သည့် ခမရ-၅၈၈ တပ်ရင်းသည် စစ်ပစ္စည်းများနှင့် တပ်ရိက္ခာများသယ်ဆောင်ရန် ယင်းဒေသရှိ ဆင်ဖြူတိုင်ရွာနှင့် ၀ါးတောရွာတို့မှ ကားများကိုလည်း ချောဆွဲခဲ့ကြောင်း ဒေသခံ များက ပြောဆိုသည်။

KIC Interview

အင်တာဗျူးကဏ္ဍ

Submitted by admin on Monday, 10 June 2013--

ကရင်ပြည်နယ်၊ ကော့ကရိတ်မြို့နယ် ထို့ကော်ကိုးဒေသတွင် ၂၀၁၃ခုနှစ်၊ မေလ ၂၈ရက်နေ့က ကရင်လက်နက်ကိုင် အဖွဲ့များ ဆွေးနွေးပွဲ ပြုလုပ် ခဲ့ရာ ကရင်အမျိုးသားအစည်းအရုံးရှိ ကရင်အမျိုးသားလွတ်မြောက်ရေးတပ်ဖွဲ့၏ စစ်ဦးစီးချုပ် ဗိုလ်ချုပ်ကြီး ဂျော်နီ ဦးဆောင်သော ကိုယ်စားလှယ်များ၊ ဒီမိုကရေစီအကျိုးပြု ကရင်အမျိုးသားတပ်ဖွဲ့- ဒီကေဘီအေ၊ ကေအဲန်ယူ/ ကေအဲန် အယ်လ်အေ ငြိမ်းချမ်းရေးကောင်စီ၊ ကရင်ငြိမ်းချမ်းရေးတပ်ဦး-ကေပီအက်ဖ်၊ ဘုရားကုန်း ကရင်ငြိမ်းချမ်းရေးအဖွဲ့နှင့် နယ်ခြား စောင့်တပ်များမှ စစ်ဖက်၊ အရပ်ဖက်ခေါင်းဆောင်များ စုစုပေါင်း တစ်ရာဝန်းကျင် ပါဝင်ခဲ့ကြသည်။
၎င်းဆွေးနွေးပွဲတွင် ကရင်လက်နက်ကိုင်အဖွဲ့များ ညီညွှတ်ရေးကော်မတီကို ဖွဲ့စည်းခဲ့သည့်ကိစ္စနှင့် ပတ်သက်၍ ကြေညာချက် ထုတ်ပြန်ထားသည့်အပေါ် ပြောရေးဆိုခွင့်ရှိသူ ဗိုလ်မှူးကြီးဖောဒိုနှင့် ကရင်သတင်းဌာန-ကေအိုင်စီ သတင်းထောက် စဖန်းရှောင်းက ဆက်သွယ်မေးမြန်းခဲ့ခြင်း ဖြစ်သည်။
မေး အခုလို ကရင်တိုင်းရင်းသား လက်နက်ကိုင်များ ညီညွတ်ရေးကော်မတီ ဖွဲ့စည်းလိုက်တဲ့အတွက် ကော်မတီရဲ့ ရည်ရွယ် ချက်နဲ့ လုပ်ဆောင်မယ့် လုပ်ငန်းဆောင်တာများကို ပြောပြပေးပါခင်ဗျား။
ဖြေ ကျနော်တို့ ကော်မတီ ဖွဲ့စည်းရခြင်းရဲ့ ရည်ရွယ်ချက်ကတော့ KNU မိခင်အစည်းအရုံးကြီးက အစိုးရနဲ့ နိုင်ငံရေးစကား ၀ိုင်းမှာ ပြောဆိုတဲ့အခါ ပိုပြီးလေးနက်မှုရှိအောင် ဆိုတဲ့ ရည်ရွယ်ချက်နဲ့ဖြစ်ပါတယ်။ လုပ်ဆောင်ချက်အနေနဲ့ကတော့ ကော်မတီ က ဆုံးဖြတ်ထားတဲ့အချက် ၇ချက်ကို အခြေခံပြီးတော့ ဆက်လက်လုပ်ဆောင်သွားမှာပါ။
မေး အစိုးရနဲ့ KNU နိုင်ငံရေး စကားဝိုင်းပြောဆိုတဲ့အခါ ကရင်လက်နက်ကိုင်တွေအနေနဲ့ ဘယ်လိုပံ့ပိုးလုပ်ဆောင်သွားမှာ ပါလဲ။
ဖြေ ကျနော်တို့မိခင်အစည်းအရုံးကြီးက နိုင်ငံရေးစကားပြောတဲ့အခါ ကရင်လက်နက်ကိုင် အင်အားစုတွေအနေနဲ့ တညီတ ညွတ်တည်း စည်းစည်းလုံးလုံးနဲ့ ဖြစ်ရင်တော့ ဒါ အင်အားကြီးတစ်ရပ်ဖြစ်မှာပါ။ အဲလိုမဟုတ်ပဲ သူတစ်လူငါတစ်မင်း၊ တယောက် တပေါက်နဲ့ ဆိုရင်တော့ ရှေ့ဆက်သွားမယ့် နိုင်ငံရေးပန်းတိုင်ကို ရောက်နိုင်မှာ မဟုတ်ပါဘူး။
မေး ဖွံ့ဖြိုးရေးလုပ်ငန်းတွေကြောင့် ပြည်သူလူထုတွေကို ထိခိုက်နစ်နာမှုအချို့ ရှိတယ်လို့ ပြောဆိုနေတဲ့အပေါ် ဒီကော်မတီ မှာ ပါဝင်တဲ့ ကရင်လက်နက်ကိုင်တွေအနေနဲ့ ပြည်သူလူထုကို ဘယ်လို အကာအကွယ်ပေး လုပ်ဆောင်သွားဖို့ရှိပါသလဲ။
ဖြေ ကျနော်တို့အနေနဲ့ ဒီကိစ္စနဲ့ပတ်သက်ပြီးတော့ ချက်ချင်းလက်ငင်း ဒီပြဿနာတွေကို ဖြေရှင်းနိုင်ဖို့ လိုချင်ကြတာချည်းပါ ပဲ။ ဒါပေမယ့်လို့ တစ်ထိုင်တည်းနဲ့တော့ ဒီလုပ်ငန်းတစ်ရပ်ကို အမြန်ဆုံးနည်းနဲ့ ဖြေရှင်းနိုင်ဖို့ မဖြစ်နိုင်သေးဘူးဆိုတာကိုတော့ ကျနော်တို့ နားလည်ပေးရပါမယ်။ အဲဒီတော့ ကျနော်တို့အနေနဲ့ စုစုစည်းစည်းနဲ့ ဖြေးဖြေးချင်း အကောင်အထည်ဖော် လုပ် ဆောင်သွားဖို့ ရှိပါတယ်။
မေး ကရင်အချင်းချင်း ပြဿနာဖြစ်ပွားရင် ကော်မတီဖွဲ့ပြီး လုပ်ဆောင်သွားဖို့ ရှိတယ်ဆိုတဲ့ ဆွေးနွေးပွဲ ဆုံးဖြတ်ထားတာမို့ အဲဒါလေးနဲ့ ပတ်သက်ပြီးရှင်းပြပေးပါအုံး ခင်ဗျား။
ဖြေ ကော်မတီတစ်ခုရှိတဲ့အခါကျတော့ ပြဿနာဖြေရှင်းတဲ့အခါမှာ ပိုလွယ်တာပေါ့။ ဘာဖြစ်လို့လဲဆိုတော့ အချင်းချင်း ပြဿနာဖြစ်ရင် ကော်မတီဖွဲ့ပြီး တစ်ဖွဲ့နဲ့တစ်ဖွဲ့ ဖြစ်တဲ့ပြဿနာတွေကို ဖြေရှင်းမယ်ဆိုရင် သူများ လာရှင်းပေးစရာလည်း မလို ဘူး။ ကိုယ့်ကရင်အချင်းချင်းပဲဆို ဖြေရှင်းရလွယ်သွားတာပေါ့ဗျား။
မေး ၂၀၁၃-၂၀၁၄ ခုနှစ်မှာ လူထုရှင်းလင်းပွဲတစ်ရပ် ပြုလုပ်မယ်လို့ ဆုံးဖြတ်ချက် ချထားတဲ့အခါကျတော့ လူထုကိုဘယ်လို အသိပေးရှင်းပြဖို့ ရှိပါသလဲ။
ဖြေ အဓိကကတော့ ကျနော်တို့ ပြည်တွင်းငြိမ်းချမ်းရေး တည်ဆောက်တဲ့အခါမှာ လူထုတွေ ပါဝင်ရပါမယ်။ လူထုအား မပါ လို့ကတော့ ဘယ်လိုမှမဖြစ်ပါဘူး။ နောက်ပြီးတော့ ကျနော်တို့ စည်းလုံးညီညွတ်ရေး တည်ဆောက်တဲ့အခါမှာ လူထုတွေက ကျနော်တို့အဖွဲ့တွေတိုင်းကို အမြင်ရှင်းအောင် ချပြပေးဖို့ဖြစ်ပါတယ်။
မေး အဲဒီလို လူထုရှင်းလင်းပွဲ လုပ်သွားမယ်ဆိုတဲ့အခါကျတော့ ကရင်တွေအနေနဲ့ ကရင်ပြည်နယ်တင်မဟုတ်ဘဲ မြန်မာ နိုင်ငံ အနှံ့အပြားမှာ ပြန့်နှံ့နေထိုင်တဲ့အတွက် လူထုရှင်းလင်းပွဲကို ဘယ်လိုလုပ်ဆောင်သွားဖို့ရှိပါလဲ။
ဖြေ အဲဒီအပိုင်းကျတော့ အခြေအနေပေါ်မှာ မှုတည်တာဖြစ်ပါတယ်။ တစ်ဆင့်ပြီးတစ်ဆင့် လုပ်ဆောင်သွားရမှာ ဖြစ်ပါ တယ်။
မေး ကရင်လက်နက်ကိုင်တပ်ဖွဲ့တွေ ပူးပေါင်းအလုပ်လုပ်နိုင်ဖို့ စုပေါင်းရုံးတစ်ခုထားရှိဖို့ဆိုတာ တွေ့ရတယ်။ အစိုးရရဲ့ ကွပ် ကဲမှုအောက်မှာ ရှိနေတဲ့ တစ်ချို့သော ကရင်လက်နက်ကိုင်တပ်ဖွဲ့တွေအနေနဲ့ အဆင်ပြေမှုရှိပါ့မလား။ ဘယ်လိုစီစဉ်ဆောင် ရွက်သွားဖို့ ရှိပါလဲ။
ဖြေ ဒါကတော့ ကျနော်တို့ အကောင်းဆုံး ရည်ရွယ်ချက်တစ်ခုအနေနဲ့ ကျနော်တို့ အားလုံး သဘောတူညီတဲ့ ဆုံးဖြတ်ချက် ချပြီးတော့ လုပ်ဆောင်ဖို့ ရည်ရွယ်တာ ဖြစ်ပါတယ်။ လက်တွေ့လုပ်ငန်းမှာ အခက်အခဲဘယ်လောက်ရှိအုံးမယ် ဆိုတာကို မသိ သေးပါဘူး။ ဆုံးဖြတ်ချက်ချထားတဲ့အတိုင်း လုပ်ဆောင်ကြည့်ရပါအုံးမယ်။ အခုက ကျနော်တို့ ရှေ့ဆက်လုပ်ဆောင်မယ့် လုပ် ငန်းတွေအတွက် ခြေလှမ်းတောင် မလှမ်းရသေးပါဘူးဗျာ။ ရည်ရွယ်တာကတော့ စုပေါင်းရုံးရှိမယ်ဆိုရင် ဖြစ်ပေါ်လာတဲ့ ပြဿ နာအ၀၀ကို ဒီရုံးမှာတင်ပြလာရမှာဖြစ်ပြီး ၀ိုင်းဝန်းဖြေရှင်းကြရမှာ ဖြစ်ပါတယ်။
မေး ကော်မတီကို အဖွဲ့ဝင် ၁၇ဦးနဲ့ ဖွဲ့စည်းတဲ့အခါကျတော့ ဘယ်သူတွေပါဝင်လဲဆိုတာ ပြောပြပေးပါခင်ဗျား။
ဖြေ ကော်မတီခေါင်းဆောင်အနေနဲ့ ဗိုလ်ချုပ်ကြီးဂျော်နီ (KNLA) စစ်ဦးစီးချုပ်၊ ဒုတိယခေါင်းဆောင်ကတော့ ဗိုလ်မှူးချုပ်ရင်နု (KNU/KNLA PC)၊ အတွင်းရေးမှူးကတော့ ကျနော်(ဗိုလ်မှူးကြီးဖောဒို) ဖြစ်ပါတယ်။ တွဲဖက်အတွင်းရေးမှူးကတော့ ဗိုလ်မှူးချုပ် စောကျော်သက်(DKBA)၊ ကျန်တဲ့လူတွေကတော့ ကော်မတီအဖွဲ့ဝင်တွေ ဖြစ်ပါတယ်။
(ကျန်ကော်မတီဝင်များအဖြစ် ကေအဲန်ယူမှ စောကျော်မူဟဲ၊ နယ်ခြားစောင့်အမှတ် ၃တပ်နယ်မှူး စောချစ်သူ၊ စောကြာအင်း၊ ဒေါက်တာစောဌေးမြင့်၊ ငြိမ်းချမ်းရေးကောင်စီမှ စောယိုရှူး၊ ဘုရားကုန်း ငြိမ်းချမ်းရေးမှ စောမြင့်သန်း၊ စောကျော်မြင့်၊ ဒီကေဘီ အေမှ စောမိုရှေး၊ စောသန်းအောင်၊ KPF မှ စောစတီဗင်၊ စောနေ၀င်းနှင့် စောအယ်မွီးတို့ဖြစ်ကြောင်း သိရသည်။)
မေး ကရင်တိုင်းရင်းသားလက်နက်ကိုင်များ ညီညွတ်ရေးကော်မတီကို ဖွဲ့တဲ့အခါမှာ လက်နက်ကိုင်တွေအနေနဲ့ ညီညွတ်ရေး အတွက်ပဲ ရည်ရွယ်တာလား။ ဒါမှမဟုတ် ကရင်လက်နက်ကိုင်တွေ ပြန်လည် ပေါင်းစည်းရေးလားခင်ဗျ ရှင်းပြပေးပါအုံးခင်ဗျား။
ဖြေ ဒီလိုရှိပါတယ်။ အလိုလားဆုံးကတော့ ကျနော်တို့အနေနဲ့ တစ်ဖွဲ့တည်း ပြန်ဖြစ်ဖို့ ရည်ရွယ်ပါတယ်။ ဒါပေမယ့် အခု လောလောဆယ်တော့ သူ့နဲ့ သက်ဆိုင်တဲ့အဖွဲ့တွေကနေပြီး ကရင်တစ်မျိုးသားလုံးရဲ့ ရည်ရွယ်ချက်ကို ပြီးမြောက်အောင် တစ်စု တစ်စည်းနဲ့ ဒီကော်မတီရဲ့အောက်မှာ လက်တွဲလုပ်ဆောင်သွားဖို့ဖြစ်ပါတယ်။
မေး အခုလို ကရင်လက်နက်ကိုင်တပ်ဖွဲ့တွေ အချင်းချင်း တွေ့ဆုံပြီး ကော်မတီဖွဲ့စည်းနိုင်ခဲ့တာ ဒါ ပထမဆုံးပဲလားခင်ဗျ။ နောက်ပြီး ဒီအပေါ်မှာ မိခင် KNU အစည်းအရုံးရဲ့ ဦးဆောင်ပါဝင်မှုကို သိပါရစေခင်ဗျား။
ဖြေ ဟုတ်ပါတယ်။ ပထမဆုံးအကြိမ်ပဲ ဖြစ်ပါတယ်။ ၁၅ကြိမ်မြောက် ကေအဲန်ယူ ကွန်ဂရက်၊ ဗဟိုကော်မတီအစည်းအဝေး ပထမအကြိမ်မှာ ချမှတ်ထားတဲ့ အစည်းအဝေး ဆုံးဖြတ်ချက်အပေါ်မှာ လုပ်ဆောင်ခြင်းဖြစ်ပါတယ်။
မေး ဗိုလ်မှူးကြီးတို့အနေနဲ့ နောက်ထပ် ကရင်လက်နက်ကိုင်တွေ အချင်းချင်း ပြဿနာ ထပ်မံ မဖြစ်ပွားအောင် ဘယ်လိုနား လည်သဘောတူညီမှုတွေ လုပ်ဆောင်ထားပါသလဲ။
ဖြေ အခု လောလောဆယ်တော့ အဲဒီကိစ္စနဲ့ပတ်သက်ပြီး ဘယ်လိုကာကွယ်မလဲ၊ ဘယ်လိုအရေးယူမလဲ၊ ဘယ်လိုစည်းမျဉ်း စည်းကမ်းတွေ ချမှတ်မယ်ဆိုတာ ကော်မတီအနေနဲ့ ဘာမှ ချမှတ်နိုင်ခြင်း မရှိသေးပါဘူး။
မေး မှုးယစ်ဆေးဝါးပြသာနာကိုလည်း တိုက်ဖျက်သွားမယ်ဆိုတဲ့အခါကျတော့ ဘယ်လိုရှေ့ဆက်ပြီး လုပ်ဆောင်သွားမယ် ဆိုတာ ပြောပြပေးပါခင်ဗျား။
ဖြေ ကရင်ပြည်နယ်တစ်ဒေသလုံးမှာ ပထမအဆင့်အနေနဲ့ အသိပေး၊ ပညာပေးမှုတွေ လုပ်ဆောင်ပေးပါမယ်။ ဒုတိယအနေ နဲ့ကတော့ အရေးယူဆောင်ရွက်မှုတွေ လုပ်ရမှာပေါ့။ ဘယ်လိုလုပ်ဆောင်သွားမယ်ဆိုတာကတော့ နောက်လာမယ့် ၃လတစ် ကြိမ်လုပ်မယ့် အစည်းအဝေးတွေမှာ ဆက်ပြီး ဆွေးနွေးသွားပါမယ်။ နောက်ပြီး ကော်မတီရဲ့ ရှေ့ဆက်လုပ်ဆောင်သွားမယ့် လုပ်ငန်းတိုင်းကို တစ်ဆင့်ပြီးတစ်ဆင့် ဆွေးနွေးပြီး ဆောင်ရွက်သွားမှာဖြစ်ပါတယ်။