ငိမ်းချမ်းရေးအတွက် စေတနာ မှန်ပါစေ -
ငြိမ်းချမ်းရေးအတွက် စေတနာ မှန်ပါစေ - အယ်ဒီတာ့အာဘော်
12 October 2014
မြန်မာ့ငြိမ်းချမ်းရေး ဖော်ဆောင်မှု အခြေအနေသည် လတ်တလောတွင် တိုးတက်မှု မရှိရုံသာမက နောက်ပြန် ဆုတ်သွားသည့် အနေအထား မျိုး ရောက်ရှိနေသည်။ တစ်နိုင်ငံလုံး အပစ်အခတ် ရပ်စဲရေးစာချုပ် လက်မှတ် ရေးထိုးရန် တွေ့ဆုံ ဆွေးနွေးနေမှု သည်လည်း ရရှိပြီးသား သဘောတူညီချက် အချို့ကိုပင် ပြန်လည် ညှိနှိုင်း ဆွေးနွေးရမည့် အနေအထားမျိုးတွင် ရှိနေပြီး တိုင်းရင်းသားဒေသ အချို့၌လည်း သေ...နတ် သံများ ပြန်လည် ထွက်ပေါ် လာနေသည့်အတွက် ငြိမ်းချမ်းရေး ခရီး ရှေ့မရောက်ဘဲ နောက်ပြန် ဆွဲနေသည်ဟု ဆိုခြင်းဖြစ်သည်။ ယင်းအခြေအနေမှာပင် သမ္မတဦးသိန်းစိန်က အပစ်အခတ် ရပ်စဲရေး သဘောတူညီချက် လက်မှတ် ရေးထိုးရေး ကိစ္စ အောင်မြင်စွာ ဆောင်ရွက်နိုင် မှ သာလျှင် နိုင်ငံရေး ဆွေးနွေးပွဲများ စတင်နိုင်မည်ဖြစ်ပြီး ယင်းသို့ စတင် နိုင်မှသာ ကြားကာလ နိုင်ငံရေး တည်ငြိမ်မှုနှင့် ၂၀၁၅ ရွေးကောက်ပွဲ ကျင်းပရေး ကို သေချာရေရာ စေမည်ဖြစ်ကြောင်း ယခုလဆန်း ရေဒီယို မိန့်ခွန်းတွင် ထည့်သွင်း ပြောဆိုသွားသည်။
ယင်းပြောဆိုမှုအတွက် ဝေဖန်မှုများစွာ ကျယ်ကျယ်ပြန့်ပြန့် ထွက်ပေါ် လာခဲ့သည်။ အပစ်အခတ် ရပ်စဲရေး လက်မှတ်ရေးထိုး နိုင်ခြင်း မရှိလျှင် ၂၀၁၅ ရွေးကောက်ပွဲ ကျင်းပရန် မသေချာ၊ မရေရာဟူသော အဓိပ္ပာယ်ကို ဆောင်သောကြောင့် ဝေဖန်မှုများ ထွက်လာခြင်းဖြစ်သည်။ တစ်နိုင်ငံလုံး အပစ်အခတ် ရပ်စဲရေး သဘောတူ လက်မှတ်ရေးထိုး နိုင်ရေး သည် နှစ်ပေါင်း ၆၀ကျော် ကြာအောင် ဖြစ်ပွားခဲ့သော မြန်မာ့ ပြည်တွင်းစစ် မီးငြိမ်းရန်အတွက် လွန်စွာ အရေးကြီးသော အဆင့်တစ်ဆင့် ဖြစ်သည်မှာ အမှန်ပင်ဖြစ်သည်။ သို့သော် အပစ်ရပ် သဘောတူညီချက် ရေးထိုး ရုံမျှနှင့် သေနတ်သံများ ရပ်စဲသွားပြီး ပြည်တွင်းစစ်မီး ငြိမ်းသွားမည်ဟု အာမခံ၍ မရပေ။ အပစ်ရပ် လက်မှတ်ရေးထိုး ထားရုံမျှနှင့် တိုက်ပွဲများ ထပ်မံ မဖြစ်နိုင်ဟု ကျိန်းသေ မဆိုနိုင်ပေ။
အပစ်ရပ် လက်မှတ်မရေးထိုးမီ အပစ်ရပ်ခိုင်မာ စိတ်ချရရေးအတွက် လိုအပ်သော ညှိနှိုင်း ဆွေးနွေးမှုများကို အကြိမ်ကြိမ် အဖန်ဖန်ပြုလုပ်၍ နားလည်ယုံကြည်မှု တည်ဆောက်နိုင်မှ သာလျှင် လက်မှတ်ရေးထိုး ပြီးနောက်ပိုင်း သေနတ်သံများ လျော့ပါးသွားရေးကို စိတ်ချရ နိုင်မည်ဖြစ် သည်။ ဆိုလိုသည်မှာ အပစ်ရပ် လက်မှတ်ရေးထိုး နိုင်ရေးထက် အပစ်ရပ် အမှန်တကယ် ခိုင်မာစေရေးက ပိုမို အရေးကြီးသည်ဟူ၍ ဖြစ်သည်။ နယ်မြေ သတ်မှတ်မှုများနှင့် ပတ်သက်၍ တိတိကျကျ ပိုင်းခြား သတ်မှတ် လိုက်နာရေး၊ အပစ်ရပ် မဖြစ်ပွားရေး အတွက် စောင့်ကြည့်အဖွဲ့များ ထားရှိရေး၊ ပစ်ခတ်မှု ဖြစ်ပွားလျှင် အလျင်အမြန် ဖြေရှင်း ပေးနိုင်မည့် ညှိနှိုင်းရေး အဖွဲ့များ ဖွဲ့စည်းရေး၊ နှစ်ဖက် တပ်ဖွဲ့ဝင်များအကြား ထားရှိရမည့် စည်းမျဉ်းများ သတ်မှတ် လိုက်နာရေး စသည့် စသည့် အရေးကိစ္စများကို ခိုင်မာသထက် ခိုင်မာအောင် ညှိနှိုင်းထားမှသာ အပစ်ရပ် လက်မှတ်ရေးထိုး ပြီးနောက် တွင် သေနတ်သံများ အမှန်တကယ် ရပ်စဲသွားနိုင်မည် ဖြစ်သည်။ အပစ်ရပ် သဘောတူညီမှု လက်မှတ် မရေးထိုးမီ သဘောတူညီချက်များ ခိုင်မာအောင် နားလည် ယုံကြည်မှု ရယူရေးက အလွန်အရေး ကြီးလှသည်။ လက်မှတ် မရေးထိုးမီ အပစ်ရပ် ခိုင်မာစေရေးကို အကြိမ်ကြိမ် အဖန်ဖန် ညှိနှိုင်း ဆွေးနွေး သွားခြင်းဖြင့် အပစ်ရပ် လက်မှတ် မရေးထိုးနိုင် သေးသည့်တိုင် အဆိုပါ တွေ့ဆုံ ညှိနှိုင်းမှုများက အနာဂတ် ငြိမ်းချမ်းရေး တည်ဆောက်မှုအတွက် များစွာ အကျိုးရှိ စေမည်သာ ဖြစ်သည်။
လက်ရှိ သမ္မတအနေနှင့် ၎င်း၏အစိုးရအဖွဲ့ သက်တမ်းအတွင်း တစ်နိုင်ငံလုံး အပစ်အခတ် ရပ်စဲရေး သဘောတူညီချက် လက်မှတ်ရေးထိုးနိုင်ရန် အာသာဆန္ဒ ပြင်းပြနေသည်မှာ ပေါ်လွင်လှသည်။ အပစ်ရပ် လက်မှတ်ရေးထိုး နိုင်ရေးကို သမ္မတနှင့် အစိုးရအဖွဲ့တို့ ဆန္ဒပြင်းပြနေသကဲ့ သို့ပင် စစ်ဘေးဒဏ် ခံနေ ရသော ပြည်သူများကလည်း အမှန်တကယ် အပစ်အခတ် ရပ်စဲသွားရန် လိုလားတောင့်တ နေမည်သာဖြစ်သည်။ အပစ်ရပ် လက်မှတ် ရေးထိုးမှုထက် အမှန်တကယ် အပစ်အခတ် ရပ်စဲ၍ တိုက်ပွဲများ ရပ်ဆိုင်းသွားခြင်းကို ပြည်သူများက လိုလားနေခြင်း ဖြစ်သည်။ သို့အတွက် အပစ်ရပ် လက်မှတ် ရေးထိုးရေးကို နာမည်ကောင်းရရုံ ကြိုးပမ်း အားထုတ်မည့်အစား အမှန်တကယ် အပစ်ရပ် ခိုင်မာစေရေးကို ဦးစားပေးသင့်သည်။ လက်ရှိ လုပ်ဆောင်နေသော ငြိမ်းချမ်းရေး လုပ်ငန်းစဉ်များ၌ စေတနာမှန်မှန်ဖြင့် ကြိုးပမ်းဆောင်ရွက် သွားကြမည် ဆိုပါက နောင်အစိုးရသစ် တက်လာသည့်အခါ၌ ၀န်ထုပ်ဝန်ပိုးလျော့ နည်း နိုင်ပေလိမ့်မည်။ သို့မဟုတ်ဘဲ နောင်ခါလာ နောင်ခါဈေး သဘောထားကာ နာမည်ကောင်းရရုံ လုပ်ဆောင်သွားမည် ဆိုပါက နောင် အစိုးရသစ် အတွက် ၀န်ထုပ်ဝန်ပိုး ဖြစ်စေလိမ့်မည်။ ထို့အတူ ပြည်သူလူထု အပေါ်၌လည်း ၀န်ပိစေလိမ့် မည်သာ ဖြစ်သည်။
အပစ်ရပ် လက်မှတ် ရေးထိုးနိုင်သည် ဖြစ်စေ၊ မရေးထိုးနိုင်သည်ဖြစ်စေ ငြိမ်းချမ်းရေးနှင့် ဒီမိုကရေစီ အရေး အတွက် စေတနာမှန်ထားကာ ကိုယ်ကျိုးစီးပွား ဘေးဖယ်၍ လုပ်ဆောင် သွားမည်ဆိုပါက ကြားကာလ နိုင်ငံရေး တည်ငြိမ်မည်ဖြစ်ပြီး ၂၀၁၅ ရွေးကောက်ပွဲကို လည်း အောင်မြင်စွာ ကျင်းပနိုင်မည် သာ ဖြစ်ပါကြောင်း ရေးသား တင်ပြ လိုက်ရပါသည်။
အယ်ဒီတာ
၈-၁၀-၂၀၁၄
မြန်မာသံတော်ဆင့်သတင်းဌာန – http://www.facebook.com/
No comments:
Post a Comment